UVIÉU, 20 Sep. (EUROPA PRESS) -
La compañía aérea easyJet decidió suspender la ruta que conecta l'aeropuertu de Londres-Stanted col d'Asturies pa la temporada de branu próxima. La decisión supón que la empresa prescinda d'ocho trabayadores de tierra, según un comunicáu de easyJet consultáu por Europa Press.
La decisión de la suspensión débese al amenorgamientu de la demanda nos meses d'iviernu y la "sobrecapacidá del mercáu español". easyJet afirma que revisa "costantemente" les oportunidaes de la rede p'asegurar qu'opera nos aeropuertos onde hai demanda.
"Al suspender les operaciones nel aeropuertu d'Uviéu, easyJet nun va poder emplear a los ocho trabayadores de personal de tierra que tenía contrataos nel períodu d'iviernu por una cantidá d'hores selmanales. La compañía yá se punxo en contactu colos trabayadores", espliquen dende la compañía aérea.
El portal especializáu aeroasturias.com avanzara la noticia esti xueves, señalando que easyjet confirmó'l zarru permanente de les rutes a Londres-Stanted y a Xinebra y qu'abandona definitivamente Asturies, onde opera dende 2007. Según esti portal, la llinia dio por rotes les rellaciones col Principáu d'Asturies y nun va presentase a los concursos que va convocar el Gobiernu asturianu p'ameyorar la conectividá nacional y internacional.
