UVIÉU, 19 Jul. (EUROPA PRESS) -
El grupu asturianu L-R va llevar la música tradicional asturiana al Irish Arts Foundation de Leeds y al Festival Underneath the Stars que se va celebra la fin de selmana próxima en South Yorkshire, n'Inglaterra.
Nel Festival Underneath the Stars van compartir escenariu con figures imprescindibles na escena folk internacional como Steve Earle o Kate Rusby, polo que va ser una ocasión única para la música tradicional asturiana y pa la so proyección más internacional.
Los conocíos músicos Leticia González y Rubén Bada van mostrar asina al publico inglés la so particular visión de la música tradicional asturiana. El post-folk, términu col qu'ellos mesmos definen el so trabayu, trata d'axuntar dos mundos aparentemente distantes: la tradición y la modernidá.
La guitarra eléctrica y la pandereta conxúguense dando vida a una combinación que perpasa les llendes de la música tradicional pal baille. Asina, L-R caltién los ritmos del baille al empar qu'integra otros soníos más averaos al blues, la rock o al jazz.
El resultáu ye un apueste híbridu, frescu y actual que convida a conocer un pocu más la música asturiana dende puntos de vista nuevos.
L-R tamién trabayen nel so primer discu que va ver la lluz a principios de la seronda y que va presentase en dellos festivales nacionales y internacionales. Destaca la so próxima participación en Le Noveau Pavillion de Nantes, una de les plataformes más importantes no que se refier a los formatos nuevos de les músiques tradicionales del mundu.
