Les cais d'Uviéu van tener que volver a la so antigua denominación si'l Conceyu nun modifica dellos erros de forma

Inauguración nuevas placas
EUROPA PRESS - Archivo
Actualizado: jueves, 20 septiembre 2018 15:33

UVIÉU, 20 Sep. (EUROPA PRESS) -

El Xulgáu Contencioso-Alministrativu númberu 6 d'Uviéu sentenció que l'alcuerdu del Conceyu pal cambiu de nome de les cais d'Uviéu con referencies franquistes tien dellos erros, polo que si nun se corrixen van tener que volver a la denominación anterior.

La sentencia, que nun ye firme y sobre la que se pue presentar recursu, falla sobre los recursos presentaos pol PP y la Hermandad de Defensores de Oviedo contra los alcuerdos municipales polos que se decidió'l cambiu del nome de cais con referencies franquistes. Too ello n'aplicación de la Llei de Memoria Histórica.

Sicasí, pa la maxistrada titular, l'alcuerdu del Conceyu tien dellos erros procedimentales y, por eso, nun s'afixo a derechu, polo que si nun se modifquen los erros mentaos nos términos conteníos na sentencia, va tener que reponese los nomes anteriores de les cais.

A xuiciu de la maxistrada, "tamos énte un actu adoptáu prácticamente de planu y puramente discrecional del señor alcalde, porque ye él, na so propuesta, el que motu proprio decide qué cais tienen encaxe nel artículu 15.1 de la Llei 52/2007 y tienen de ser sustituyíes".

Per otru llau, na sentencia recuéyese qu'a pesar d'haber un informe técnicu, ésti ye del serviciu d'estadística, "que nenguna relación guarda cola concurrencia de los requisitos del artículu 15 de la Llei llamada de Memoria Histórica, qu'en virtú de la so aplicación dictóse l'actu".

Asturianu ofrecido por