PRUVIA/LLANERA, 25 Sep. (EUROPA PRESS) -
El secretariu xeneral d'UXT, Pepe Álvarez, refirióse esti martes n'Asturies a la sentencia xudicial que condenó por apropiación indebida al históricu líder sindicalista mineru y exdirixente del PSOE, José Ángel Fernández Villa, a trés años de prisión y a devolver unos 450.000 euros.
"El sindicatu punxo tolo necesario pa que esi señor sía condenáu", respondió Álvarez cuando foi preguntáu sobre l'asuntu nun establecimientu hosteleru nel conceyu asturianu, en Llanera.
D'esta forma, punxo l'acentu en que foi UXT, más en concretu'l SOMA, el qu'ufrió les pruebes, como parte perxudicada de tolo asocedío. "Que'l tribunal nos diera la razón y obligue a que nos reintegre el dineru ye un actu de xusticia", señaló. Faló de "robu" y de "esfalcu" de Villa que'l Sindicatu probó "xustificante a xustificante".
