BILBO, 21 (EUROPA PRESS)
Euskal Autonomia Erkidegoko (EAE) hoteletan 354.146 bidaiari sarrera izan ziren joan den abuztuan, hau da, iazko hil berean baino 22.167 gehiago, eta horrela, %6,7ko gehikuntza izan da. Herrialdeka, bidaiari sarrerak %9,7 gehitu ziren Gipuzkoan, eta %6,9 Bizkaian, baina %1,1 gutxitu ziren Araban, Eustat estatistika erakundeak landutako datuen arabera.
Bestalde, joan den abuztuan, EAEko hoteletan 765.461 ostatu gau erregistratu ziren, 2017an baino 52.396 gehiago, eta beraz, %7,3ko gehikuntza izan da. Gipuzkoan, %9,2 igo ziren ostatu gauak, Bizkaian %7,8 eta Araban %0,8.
Estatutik heldutako bidaiarien sarrerak %6,7 igo ziren abuztuan EAEko hoteletan, aurreko urteko abuztuarekiko, eta beste herrialde batzuetatik etorritakoenak %6,6. Araban, Estatuko bidaiarien sarrerak %0,2 gutxitu ziren, eta beste herrialdeetako bidaiarienak %2,6; Bizkaian, Estatutik
etorritako bidaiarien sarrerak %8,9 igo ziren, eta besteenak %4,7; eta Gipuzkoan, %7,4 igo ziren Estatuko bidaiarien sarrerak, eta %12,1 beste herrialdeetatik etorritakoenak.
EAEko hoteletako batez besteko egonaldia 2,16 egun izan zen abuztuan, iazko hil berean 2,15 egun izan zen bitartean, eta plazen araberako betetze maila %2,8 puntu igo zen, 2017ko abuztuko %77,7tik aurtengo abuztuko %80,5era. Gelen arabera, EAE osoko okupazio maila %2,3 puntu igo zen abuztuan, %85,8koa izan arte.
