SANTIAGO DE COMPOSTELA, 23 Sep. (EUROPA PRESS) -
Un total de sete persoas tiveron que ser atendidas polo servizo sanitario tras unha colisión entre dous coches ocorrida na noite do sábado no municipio lucense de Antas de Ulla. Ademais, tal e como indica o 112, os bombeiros de Chantada excarcerou a unha das vítimas dun dos vehículos.
En concreto, segundo informa o 061-Urxencias Sanitarias, dúas persoas foron trasladadas ao Hospital Lucus Augusti, outras tres ao Policlínico Lucense, e outras dúas ao Sanatorio Nosa Señora dos Ollos Grandes.
O sinistro ocorreu na estrada que une o Pazo de Vilane e o Castro de Amarante, ao fío das 21,45 horas. Nese momento, unha persona particular contactaba co 112 Galicia para alertar do ocorrido.
Segundo indica o 061, ao lugar do accidente se enviaron tres ambulancias asistenciais, unha medicalizada e persoal sanitario do PAC de Palas de Rei. Así mesmo, acudiron ao lugar a Garda Civil e o GES de Monterroso.
