Ignacio Fernández del Páramo va incorporase como conceyal al Grupu Municipal
UVIÉU, 14 Ago. (EUROPA PRESS) -
Anabel Santiago, númberu 3 de Somos Uviéu na candidatura a les últimes elecciones municipales, presentó esti vienres la so dimisión como conceyala n'Uviéu. Santiago señaló que se trata d'una "reflexón mui meditada" por "una serie de desavenencies nel grupu municipal énte un "ambiente llaboral irrespirable".
Al traviés d'unes declaraciones espublizaes por ella mesma, la cantante indicó que vuelve con fuercia a los escenarios y a la docencia, porque la so intención ye incorporase, nel mes de setiembre, al so puestu na Escuela Municipal de Música Tradicional.
"La mio esperiencia nel mundu de la política acaba equí. Topé con grandes compañeros nel camín como Rubén Rosón, nel qu'alcontré un apoyu grande no personal y no político. Marcho triste porque los uviedinos merecen una oposición d'esquierdes de nivel y agora mesmo esi fechu nun se ta dando. Marcho triste porque ye la primer vez na mio vida que voi tirar la toballa por factores esternos a la mio persona. Prestaríame quedar pero desgraciadamente tengo que marchar", detalló Anabel Santiago.
Per otru llau, el númberu 4 de la llista electoral, Ignacio Fernández del Páramo, exconceyal d'Urbanismu d'Uviéu, va incorporase al grupu municipal nos díes próximos como conceyal.
