21 de octubre de 2019
  • Domingo, 20 de Octubre
  • Sábado, 19 de Octubre
  • 19 de julio de 2019

    Atopen el cuerpu ensin vida del home de 33 años que se fundió nel Nalón, en Pravia

    Atopen el cuerpu ensin vida del home de 33 años que se fundió nel Nalón, en Pravia
    SEPA

    UVIÉU, 19 Jul. (EUROPA PRESS) -

    El xefe de la Zona Centru de Bomberos del Serviciu d'Emerxencies del Principáu d'Asturies (SEPA) comunicó al Centru de Coordinación d'Emerxencies del 112 Asturies que toparon el cuerpu ensin vida del home desaparecíu que se fundió cuando se bañaba nel Nalón, en Pravia.

    El cuerpu alcontráronlos los GEAS (Grupu Especial d'Actividaes Subacuática de la Guardia Civil) un pocu más embaxo del sitiu onde lu vieron pela última vez, según informa'l SEPA en nota de prensa.

    A primer hora d'esta mañana volvieron entamar les llabores de busca p'alcontrar al home que fundió cuando taba nadando nel ríu Nalón, en Pravia, na redolada del polígonu de Salcedo na tarde d'esti xueves.

    Nes xeres de busca participaron l'helicópteru de la Guardia Civil y del SEPA, amás de personal del ERIE (Equipu de Respuesta Inmediata d'Emerxencies) acuática de Cruz Bermeya y efectivos del Grupu Especial d'Actividaes Subacuátiques (GEAS) de la Guardia Civil y efectivos del Grupu de Rescate y Intervención en Monte (GREIM) de Mieres.

    El Centru de Coordinación d'Emerxencies del 112-Asturies recibió, sobre les 19.16 hores d'esti xueves, una llamada de los amigos del mozu na qu'informaben qu'ésti saliera a nadar facía 45 minutos con otru compañeru que lu viera fundise.

    A lo llargo del xueves, el dispositivu de busca, col Xefe de Zona Centry de Bomberes del Serviciu d'Emerxencies del Principáu d'Asturies (SEPA) al frente, rastrexó dende l'aire tola zona hasta la desaguada del ríu.