UVIÉU, 18 Ene. (EUROPA PRESS) -
El Boletín Oficial del Principáu d'Asturies (BOPA) publicó esti vienres, 18 de xineru, el decretu del presidente del Principáu pol que se dispón el cese de los síndicos de la Sindicatura de Cuentes del Principáu d'Asturies, que van siguir exerciendo les sos funciones hasta que tomen posesión los sos sucesores.
Asina se formaliza de conformidá colo establecío na Llei de la Sindicatura de Cuentes y en relación cola Llei del Presidente y del Conseyu de Gobiernu, en comunicando a la Presidencia del Gobiernu dos resoluciones del Presidente de la Xunta Xeneral del Principáu d'Asturies, con fecha 14 de xineru de 2019, "de cese por finalización del mandatu de los síndicos".
D'esta forma, disponse'l cese na so condición de síndicos d'Antonio Arias Rodríguez, Avelino Viejo Fernández y Miguel Ángel Menéndez García, "siguiendo nel exerciciu de les sos funciones hasta la toma de posesión de los qu'hubieren d'asocedelos".
