28 de enero de 2020
18 de octubre de 2019

La Familia Real llega al Campoamor ente aplausos y una sonora protesta contra la Monarquía

La Familia Real llega al Campoamor ente aplausos y una sonora protesta contra la Monarquía
EUROPA PRESS

UVIÉU, 18 Oct. (EUROPA PRESS) -

Los Reis d'España, acompañaos de la Princesa d'Asturies y la Infanta Sofía llegaron al Teatru Campoamor, n'Uviéu, en metá de xiblíos y glayíos de protesta de los centenares de persones que se concentraben en contra de los Premios Princesa d'Asturies. Al otru llau de la cai, más cerca del Teatru y en metá del soníu de cientos de gaites, el restu de públicu aplaudió a la Familia Real.

La concentración contra los Premios, que se vien realizando dende 2011, foi na Plaza de La Escandalera y impulsóla'l colectivu como les 'Marches pola dignidá' o 'Lluchando pola soberanía'. Ellí, cientos de manifestantes mostraron delles pancartes, una d'elles col yá clásicu lema de 'Fartones', y otres crítiques cola Monarquía y cola situación social y llaboral d'Asturies.

A la concentración sumáronse otres entidaes republicanes y asturianistes, polo que pudieron vese tanto banderes republicanes como d'Asturies cola estrella colorada, amás de banderes nacionalistes de Cataluña o la bandera del arguyu LGTB.

Nesi sentíu, ún de los lemas más coriaos foi 'Asturies nun tien rei', impulsáu pola plataforma 'Lluchando pola soberanía' na visita de la Familia Real a Cuadonga del añu pasáu.

La Policía Nacional torgó l'accesu de los manifestantes más allá d'esta zona, anque facilitaba'l pasu a les persones que queríen aportar a la parte más cercana de La Escandalera al Teatru Campoamor pa ver la llegada de los Reis, la Princesa y la Infanta dende les cais.

Al otru llau de l'acera, na zona onde solo se permite l'accesu al públicu pa ver la llegada de los asistentes a la ceremonia, podía vese una pancarta n'apoyu a los axentes de la Policía Nacional y la Guardia Civil en Cataluña, na que tamién se reivindicaba la equiparación salarial ente los Cuerpos de Seguridá del Estáu y les distintes policías autonómiques.