SANTIAGO DE COMPOSTELA, 7 Dic. (EUROPA PRESS) -
La organización xuvenil del BNG, Galiza Nova, denunció l'agresión a ún de los sos militantes por vistir una camiseta cola bandera gallega la nueche del miércoles en Pontevedra al glayíu de "esto es España".
Según informó Galiza Nova nun comunicáu, el militante Pablo Novo caminaba con una camiseta cola bandera de Galicia pela zona vieya pontevedresa cuando un grupu de mozos d'ente 20 y 25 años averáronse a él a gran velocidá glayando "esto ye España".
De siguío, solmenáron-y una serie de pataes y tiráronlu al suelu. Al mancáu ayudáronlu un grupu de persones que s'atopaben na cai nesos momentos, que fixeron que los agresores escaparen, según informó Galiza Nova.
La organización xuvenil denuncia qu'ésta nun foi la única agresión "de calter ultraderechista" esta selmana en Pontevedra, yá que tamién tuvieron conocencia d'otres nel centru de la ciudá.
Fontes de la organización aseguraron qu'esta agresión "respuende a la creación d'un caldu de cultivu aparente pal aumentu de la violencia y atribuyir a una "derechización del espectru políticu a nivel global" que s'apoya en "discursos abiertamente violentos" contra los movimientos que s'asitien "en contra del sistema, concretamente, nel estáu español, el nacionalismu de les naciones ensin estáu".
Galiza Nova refuga que la violencia "tenga sitiu la de defender ideales políticos". Tamién denuncien la "impunidá" énte estes agresiones mentes que "la Xusticia española ta más ocupada por aplicar la Llei Mordaza y reprimir la llibertá d'espresión".
