MADRID, 25 Feb. (EUROPA PRESS) -
El Gobiernu va unviar a les Cortes anguaño un total de 92 proyectos de llei, según anunció la vicepresidenta del Gobiernu, Carmen Calvo, depués d'una xunta del Conseyu de Ministros qu'analizó'l calendariu llexislativu.
Ente elles, Calvo destacó la Llei d'Educación futura, la de llucha contra'l cambiu climáticu y la destinada a combatir el fraude fiscal. Con too, señaló que l'Executivu tomó esti martes una "decisión grande de planificación, de tresparencia y d'ordenación de l'acción política".
Calvo tamién avanzó que'l Gobiernu va disponer d'una comisión delegada por cada vicepresidencia, porque los vicepresidentes tienen que coordinar les polítiques que tean baxu'l so paragües.
Asina, el Conseyu de Ministros alcordó crear dos comisiones delegaes nueves, una pa Retu Demográficu y otra pa l'Axenda 2030. Amás, caltiénense les comisiones delegaes p'Asuntos Económicos, Seguridá Nacional, Asuntos d'Intelixencia y Política Científica, Tecnolóxica y d'Innovación.
