UVIÉU, 27 Ene. (EUROPA PRESS) -
El conseyeru de Ciencia, Innovación y Universidá, Borja Sánchez, caltuvo esti llunes una xunta cola directora del CREDINE, centru de referencia estatal d'enfermedaes neurolóxiques, Rocío Allande pa tratar les llinies d'investigación a desenvolver nel Centru Neurolóxicu de Llangréu.
Sánchez esplicó qu'agora toca valorar si puen suscribise convenios cola universidá. Lo que nun quixo concretar el conseyeru son los plazos pa que puedan entamase eses llinies d'investigación. "Nun falemos de plazos, pero entiendo que falamos de meses", dixo.
Sánchez, en declaraciones a los medios depués de la xunta, indicó qu'Allande-y presentó como va ser la puesta en marcha del centru de Llangréu y sobremanera tuvieron falando de cómo articular los convenios necesarios pa facer la investigación referente a les llinies competentes del Centru.
Una d'eses llinies d'investigación va tener que ver cola ELA, la esclerosis llateral amiotrófica. El titular de Ciencia indicó qu'agora tendrán qu'estudiar como implantar eses llinies d'investigación, los planes de formación d'universitarios o los posibles trabayos fin de grau.
