UVIÉU, 7 Dic. (EUROPA PRESS) -
Izquierda Xunida d'Asturies decidió suspender, "sine díe", la xunta prevista cola Federación Asturiana d'Empresarios (FADE) pa tratar les propuestes que defende la patronal en política de dinamización económica. L'alcuentru del presidente de los empresarios, Belarmino Feito, con representantes de Vox fixo qu'IX "se replantee la oportunidá de la cita".
Nuna nota de prensa, IX esplicó que'l secretariu d'Organización, Alejandro Suárez, unvió esti vienres una carta p'anular la xunta.
Na so misiva, Suárez xustifica la decisión nel so refugu a "la naturalización d'una fuercia con principios y oxetivos contrarios a les meyores democrátiques".
"Depués d'una reflexón sobre les implicaciones d'esa entrevista, decidimos tornar la invitación a aconceyar", dixo. IX entiende qu'esti alcuentru con Vox "nun ye anecdótico y nun pue ser tratáu como dalgo menor".
"Una organización, reconocida pola Constitución, como son les organizaciones empresariales como ye la FADE, nun pue naturalizar los alcuentros con un partíu que s'alloña tanto, al nuestru xuiciu, de la convivencia democrática", señaló Suárez pa depués encamentar al presidente de FADE, Belarmino Feito, a "cavilgar" sobre l'asuntu.
