L'AEMET espera una "seronda templao" na rexón depués "d'un branu templáu, normal en precipitaciones y con menos sol"

- EUROPA PRESS. - Archivo

Actualizado: jueves, 19 septiembre 2019 11:55

UVIÉU, 19 Sep. (EUROPA PRESS) -

El delegáu de l'Axencia Estatal de Meteoroloxía, AEMET, n'Asturies, Ángel Gómez, ufrió esti xueves una rueda de prensa pa informar de cómo foi'l branu na rexón y les previsiones pa esta seronda y indicó que, dientro de les incertidumes, el periodu de setiembre, ochobre y payares pue que sía "con un 50% de probabilidaes" templao.

Les probabilidaes de que sía un periodu normal ye del 30% y un 20% de que sía frío. Sobre les precipitaciones, dende la AEMET nun pudieron facer predicción dalguna.

Pa los díes próximos esperen bastiazos acompañaos por nubes y xarazu pa la tarde d'esti vienres y yá la fin de selmana de sábadu espera la llegada d'un frente que dexe más bastiazos lo mesmo que'l domingu, que se siguen esperando agües pero en menor midida.

Gómez esplicó que'l branu nel Principáu puede resumise como "templáu, normal en precipitaciones y vientu y con un solazu más baxu de lo normal". Amás pue resaltase qu'agostu rexistró un déficit de precipitación del 41% y el mes de xunetu foi'l cuartu con más actividá eléctrica dende l'añu 2000.

Destacó qu'el 23 d'agostu foi'l día más calorosu de los rexistraos, con una temperatura máximu rexistrada de 36,1 graos en Mieres o los 33 graos alcanzaos nel Aeropuertu, la mas alta rexistrada nun mes d'agostu nesti puntu. La mínima rexistróse nel mes de xunu, el día 12 d'esi mes con -0,2 graos en Payares. El 25 d'agostu foi l día más tormentosu, con cuasi 2.400 descargues eléctriques.

Anque'l branu nun foi uniforme nel Principáu, si predominó'l calter templáu. Sobre precipitaciones el branu foi "normal" pero con grandes diferencies per zones, siendo en dellos puntos del occidente muncho más húmedu poles nubes.

"Polo xeneral Asturies tuvo un llixeru déficit de precipitación, sacante Uviéu", esplicó Gómez, qu'indicó que lo qu'hubo son munches descargues eléctriques siendo'l mes de xunetu'l que más rexistró col mayor númberu nesti mes dende l'añu 2000.

El solazu foi ente un 5 y un 10% menos de lo normal na rexón.

Asturianu ofrecido por