MADRID, 27 Ene. (EUROPA PRESS) -
El xugador de la NBA Kobe Bryant, cinco veces campeón de la NBA y dos veces campeón olímpicu, morrió esti domingu nun accidente d'helicópteru, xunto cola so fía de 13 años Gianna y siete persones más, en Calabasas (California).
Bryant, de 41 años y nacíu en Filadelfia, punxo fin a la so carrera d'éxitu l'abril del 2016, depués de xugar 20 temporaes colos Lakers. Considérase ún de los meyores xugadores de la historia, cinco veces campeón de la NBA y cuartu anotador históricu, apocayá superáu por LeBron James.
L'accidente foi a les 10.00 de la mañana hora local, nuna pequena zona de monte y en metá d'unes condiciones de borrina. L'aparatu impactó contra la tierra y empezó quemar, dalgo qu'enzancó la intervención de los bomberos y de los sanitarios.
La noticia llega un día depués de que Bryant tuviera otra vez en boca de tol mundu, porque LeBron, na so segunda temporada colos Lakers, superaralu na clasificación d'anotadores. "Sigues llevando'l baloncestu acullá. El mio total respetu", escribió'l mesmu Bryant a Twitter.
