Muerre un camioneru en Villayón al espeñase col vehículu

Imagen del suceso.
SEPA.
Publicado: miércoles, 17 julio 2019 19:49

UVIÉU, 17 Jul. (EUROPA PRESS) -

Una persona perdió la vida nun accidente de tráficu nel AS-35 al so pasu pel conceyu de Villayón. El camión nel que circulaba cayó de la carretera por un desnivel, unos 25 metros, y principió a quemar.

El fueu provocó una quema forestal pequeña na zona. El vehículu quedó nel cantu del calce d'un ríu que pasa pel llugar llugar, según informaron dende'l Serviciu d'Emerxencies del Principáu (SEPA) esti miércoles.

El Centru de Coordinación d'Emerxencies recibió l'avisu a les 16.15 hores. Na llamada indicóse qu'un camión cayera d'una ponte, empezara quemar y nun se vía al so conductor.

Los servicios d'emercencies movilizaron al Xefe de Bomberos de la Zona Noroccidental, a los efectivos de Bomberos del Serviciu d'Emerxencies del Principáu d'Asturies (SEPA) de los parques de Valdés y Barres, a ún de los helicópteros multifunción de Bomberes del SEPA, con efectivos de la base d'Ibias, y al Grupu de Rescate de Bomberos, a bordu del helicópteru medicalizáu.

Asturianu ofrecido por