UVIÉU, 16 Jul. (EUROPA PRESS) -
El secretariu xeneral de Podemos Asturies, Daniel Ripa, encamentó al presidente electu Adrián Barbón, a que la so primer xera sía "descolgar el teléfonu" y llamar al ministru de Fomentu, José Luis Ábalos, pa pidi-y una "solución inmediata" pa la situación de la Feve antigua na comunidá.
Nesi sentíu, Ripa anunció dende la Estación de tren n'El Berrón (Siero) que la so formación va rexistrar nel Congresu preguntes dirixíes a Ábalos sobre la situación de los trenes.
Una situación que, según el dirixente de la formación morada, produzse "depués d'una selmana nueva de trenes cancelaos" por problemes nel caltenimientu de les víes y de los trenes, amás d'averíes nos motores, "lo que provoca cancelaciones y retrasos".
Por eso, Ripa alertó del "esmantelamientu consciente" de la Feve antigua y la "discriminación evidente" de los asturianos.
"Daquién cree que si miles de persones tuvieren tiraes na estacion d'Atocha o en Sants, nun se pararía'l país y el gobiernu trataría de solucionar el problema? ¿Si espera un tren tola mañana un asturianu importa menos que si lo fai un catalán o un madrilanu?", preguntóse.
