UVIÉU, 10 Dic. (EUROPA PRESS) -
El Gobiernu d'Asturies va constituyir una mesa de trabayu col Conceyu de L.lena y la Cámara de Comerciu d'Uviéu p'analizar la situación de la estación de Valgrande-Payares. L'oxetivu ye alcordar un plan de trabayu qu'analice les necesidaes d'inversión, posibles modelos de xestión alternativos y dexe consolidar el so futuru.
L'Executivu va tar representáu pola Conseyería de Cultura, titulada por Berta Piñán. La mesa tamién va analizar la posibilidá de recurrir a otres víes de financiación alternatives pa realizar lo más ceo posible les inversiones necesaries na estación; ente elles, los fondos mineros.
Tanto'l presidente del Principáu, Adrián Barbón, como la conseyera de Cultura esplicaron que la escasez actual de recursos torga encarar agora mesmu los desembolsos que precisen les instalaciones con cargu al presupuestu autonómicu de 2020.
"Trátase d'un problema de falta de recursos, non d'una falta de compromisu cola estación nin d'ausencia d'ambición sobre'l so desarrollu deportivu y turísticu", manifestaron fontes del Executivu.
