UVIÉU, 25 Feb. (EUROPA PRESS) -
La Conseyería de Cultura, Política Llingüística y Turísmo licitó l'estudiu sobre'l marcu afayadizu pa la planificación y desenvolvimientu de la normalización del usu de la llingua asturiana y el gallego-asturianu.
El contratu tien una partida de 14.790 euros ensin IVA y los interesaos yá puen presentar ufiertes hasta'l 3 de marzu na Dirección Xeneral de Política Llingüística. La prestación del contratu va dar empiezu al otru día de la notificación de la resolución del contratu a la entidá que resulte axudicataria y va terminar el 30 de payares del 2020.
Esti estudiu anunciólu la conseyera Berta Piñán n'avientu na Xunta Xeneral, cuando compareció col restu del so equipu pa presentar el proyectu de presupuestos de la so cartera na Comisión de Facienda.
