UVIÉU, 15 Nov. (EUROPA PRESS) -
La maxistrada del Xulgáu de primera instancia y Instrucción númberu 1 de Mieres decretó, d'alcuerdu col Ministeriu Fiscal, prisión comunicada y ensin fianza pal home de 60 años acusáu de matar al so xenru en Mieres el martes 12 de payares, según informó'l gabinete de comunicación del Tribunal Superior de Xusticia d'Asturies (TSXA).
L'home entregóse a la Policía entá coles manes con sangre depués de, presuntamente apuñalar al que fuera home de la so fía. La pareya taba en trámites de divorciu.
El deteníu, que quixo declarar énte l'autoridá xudicial, atribúyese-y un delitu d'homicidiu/asesinatu, ensin poder afitar pel momentu delitu concretu, y va ingresar nel Centru Penitenciariu d'Asturies.
