UVIÉU, 15 Nov. (EUROPA PRESS) -
El Seminariu d'Estudios Asturianos de la Fundación Belenos llega esti añu a la so venti edición y nesta ocasión va tar dedicáu al celtismu musical asturianu. Amás, va acoyer una Nueche Celta onde van participar Llan de Cubel, Cantaruxare y Mariluz Cristóbal Caunedo.
Esti alcuentru celebrase'l sábadu 16 y el domingu 17 de payares en La Puela d'Ayande, como siempre y ente otros ponentes van participar personalidaes del movimientu como l'estudiosu Inaciu Llope, el músicu Xune Elipe, el director del Muséu de la Gaita Fonsu Fernández o'l director del Festival de Loriant, Lisardo Lombardía.
Per otru llau, pa celebrar la XX edición, el Seminariu va acoyer una nueite celta con Mariluz Cristóbal Caunedo, Llan de Cubel, Cantaruxare y dellos músicos más nun tradicional filandón. L'actu va ser el primer conciertu de Llan de Cubel depués de la muerte d'Elías García.
