MADRID, 7 Dic. (EUROPA PRESS) -
La ministra d'Industria, Comerciu y Turismu, Reyes Maroto, aseguró que los díes próximos "van ser claves" pal futuru de les plantes d'Alcoa n'A Coruña (Galicia) y Avilés (Asturies).
En rueda de prensa depués del Conseyu de Ministros, Maroto señaló que tán "trabayando" toles partes implicaes, anque reconoció que la solución pal futuru de les plantes "nun ye fácil", polo que prefirió ser "prudente".
Sicasí, destacó que se consiguió que la empresa siente a la mesa de negociación, na que tamién tán, amás del Executivu, los gobiernos rexonales de Galicia y Asturies, los alcaldes de les localidaes onde tán les plantes y los sindicatos.
Asina, consideró qu'agora ye necesario que la multinacional siderúrxica "ponga nun horizonte les midíes que podríen evitar el pieslle de les plantes". "Hai condiciones pa que pueda salir bien y agora hai que trabayar muncho", dixo.
