UVIÉU, 25 Feb. (EUROPA PRESS) -
El Vicerrectoráu d'Estensión Universitaria y Proyección Internacional de la Universidá d'Uviéu informó esti martes de que va facilitar la movilidá de los erasmus asturianos que quieran tornar al Principáu, procedentes d'Italia. Son 235 los estudiantes n'universidaes de tol país, non namás na zona norte.
"Dende equí intentamos tresmitir tranquilidá, ayeri unviámos-yos un comunicáu a toos y caún d'ellos pa que sigan les conseñes y los encamientos", esplicó'l vicerrector, Francisco José Borge López.
Dende la Universidá d'Uviéu pidieron a los 235 estudiantes que caltengan informada a la institución académica "de too" y "en cada momentu", lo mesmo que de cuálos puen ser los sos planes de movilidá. Nesti sentíu, van amparar les decisiones que los estudiantes tomen y va facilitar la so movilidá y incorporación a les clases en casu de que decidan tornar.
