UVIÉU, 18 Ene. (EUROPA PRESS) -
El diputáu de Podemos na Xunta Xeneral Andrés Vilanova rexistró una entruga pal conseyeru d'Infraestructures del Gobiernu asturianu, el socialista Fernando Lastra, sobre'l túnel de Rañadoiru.
"La situación del túnel ye una muestra del abandonu y del olvidu col que'l Gobiernu de Javier Fernández castiga al suroccidente asturianu", llamentó'l parllamentariu al traviés d'una nota de prensa.
El diputáu de Podemos esplicó que yá pasaron selmanes desque un argayu de proporciones considerables "amenacia la integridá" del túnel qu'articula Cangas col valle de Degaña y parte d'Ibias.
"L'apariencia al atravesar el túnel ye de precariedá dafechu, con una grúa de namás un brazu como única contención d'una abombadura que s'estiende delles decenes de metros sobre la calzada. A esto suma la consecuente llimitación a la circulación que supón l'amenorgamientu de velocidá y al carril únicu controláu por un semáforu provisional", indicó.
