UVIÉU, 28 Ene. (EUROPA PRESS) -
La Xunta pola Defensa de la Llingua Asturiana (XDLA) solicitó esti martes a la Conseyería de Desenvolvimientu Rural, Agroganadería y Pesca l'usu del asturianu nes campañes y marques entamaes poles Indicaciones Xeográfiques Protexíes, Conseyos Reguladores y Denominaciones d'Orixe, amás de nes d'Alimentos del Paraíso.
Al traviés de nota de prensa, la organización recordó marques como 'Galicia Calidade' -la marca de garantía promovida pola Xunta de Galicia- o pal País Vascu col 'Eusko Label', el sellu de calidá de los alimentos autóctonos, como exemplos pa "vender la diferencia".
Nesi sentíu, afirmen que'l vocabulariu tradicional n'asturianu de los productos del sector agroalimentariu, "dende la sidra a la carne de xata, pasando pel quesu a los nomes de los pexes", ye "la manera meyor de marcar la diferencia y la calidá dientro d'un contestu global".
Por eso, reclamen que l'asturianu "xuegue un papel fundamental" dientro de campañes como la de 'Alimentos del Paraísu'. Pa la XDLA, l'asturianu ye "parte indisociable" del sector agroalimentariu y constitúi "un patrimoniu que nun pue facese de menos a la hora de defender Asturies y los sos productos énte'l mundu". "Yá ta bien de complexos", señaló la Xunta.
