BILBO, 18 (EUROPA PRESS)
Unai Rementeria Bizkaiko ahaldun nagusiak iragarri du Biscay Startup Bay ekintzailetza ekosistema aurkeztuko dutela Madrilen otsailaren 7an, Espainiako hiriburuan ospatuko den Bizkaia Egunaren bigarren edizioan. "Nazioarteko gure bazkideekin eta gure tokiko aliatuekin batera egingo dugu, gure enpresa eragileekin eta gure start up-ekin. Eta aurrerantzean tradizio polita bihur daitekeen markoan egingo dugu, bigarrenez Madrilen ospatuko dugun Bizkaia Egunean", azaldu du.
Berrikuntza Irekiak planteatzen dituen erronkei buruz Deustuko Unibertsitatean egin den jardunaldi batean egin ditu adierazpen horiek Rementeriak. Open Innovation kontzeptuaren sortzaile Henry Chesbrough irakasleak esku hartu du t opaketan.
"Ekintzailetzaren Nazioarteko Zentro berriarekin etorkizun berria ari gara irekitzen. Zentro honek Bizkaia Dorrea den itsasargi berria piztuko du. Eta hori munduarekin konektatuta egingo dugu, munduko beste ekosistema batzuekin gehiago eta hobeto erlazionatutako ekintzailetzako eta berrikuntzako hub-etako bat sortuz. Anbizioarekin baina apaltasunez jokatuta. Urrun iritsi eta Europa hegoaldean ekintzailetzako erreferente bihurtu nahi dugu", azaldu du ahaldun nagusiak.
Adierazi duenez, iaz "Bizkaiaz harro egoteko egunaren antzeko zerbait" antolatu zuten Madrilen, "bertako eta hemengo bizkaitarren topalekua", eta aurten "aitzakia ezin hobea" izango da Espainiako konpainia, start up eta funtsekin planak konpartitzeko.
"Bai eta gure errealitateak ere. Adibidez, une hauetan Bizkaia Estatuko lurralderik lehiakorrena da zergei dagokienez. Eta ona da horren berri hemen edukitzea, baina beharrezkoa da bertan ere jakitea", azpimarratu du.
Azkenik, Bizkaiko ahaldun nagusiak eskerrak eman dizkie enpresei "era aktiboan eta sinetsian" Bizkaiko ekintzailetza ekosisteman parte hartzeko duten jarreragatik.
