BILBO, 14 (EUROPA PRESS)
Bizkaiko metalgintza sektoreko sindikatuek zortzi greba egun gehiago antolatuko dituzte, azaroaren 28aren eta abenduaren 19aren artean, joan den asteazkenean egin zen mahai negoziatzailearen azken bileraren porrotaren ondoren.
ELA, CCOO, LAB, UGT, ESK, CGT, USO eta CNT sindikatuek prentsa agerraldia egin dute Bilbon, ostegun honetan, eta sektoreko "hitzarmen duinaren aldeko" lanuzte gehiago iragarri dituzte, azaroaren 28 eta 29an, eta abenduaren 4, 5, 12, 13, 18 eta 19an, Metalgintzako Enpresen Bizkaiko Federazioarekin asteazkenean izandako bileran euren eskaeretan aurrerapenik lortu ez dutelako.
Sindikatuok greba egunekin bat egiteko deia egin diete sektoreko langileei, eta informazio jardunaldia egiten ari dira ostegun honetan, metalgintzako Bizkaiko patronalaren egoitzaren aurrean kanpatuta, Bilbon.
