11 de diciembre de 2019
  • Martes, 10 de Diciembre
  • 22 de Azaroa de 2019

    Industria prezioak %1,1 gehitu dira urrian EAEn eta urte arteko tasa %2,0 da

    Industria prezioak %1,1 gehitu dira urrian EAEn eta urte arteko tasa %2,0 da
    JEANOLOGIA - ARCHIVO

    BILBO, 22 (EUROPA PRESS)

    Euskal Autonomia Erkidegoko (EAE) industria prezioak %1,1 gehitu ziren joan den urrian, aurreko hilaren aldean, eta, datu hori kontuan izanda, urriko urte arteko tasa %2,0 da, Eustat euskal estatistika erakundeak jakinarazi duenez.

    Analisi zehatzagoa eginda, energia elektrikoa, gasa, lurruna eta aire girotua (%7,3), ura (%1,0) eta zurgintza, papera eta arte grafikoak (%0,6) sektoreek izan zituzten prezioen hazkunderik handienak urrian, aurreko hilaren aldean. Aitzitik, ehungintza, jantzigintza, larrugintza eta zapatagintza (-%2,1), erauzketa industriak (-%1,2) eta kokeriak eta
    petrolioa fintzea (-%0,3) sektoreek izan zituzten prezioen beherakadarik handienak.

    Halaber, helburu ekonomikoaren araberako ondasunen sailkapenari jarraituz, urrian, aurreko hilaren aldean, energiaren prezioak %4,0 igo dira, eta bitarteko ondasunenak %0,2 igo dira; ekipo ondasunen prezioak %0,2 jaitsi dira, eta kontsumo ondasunak egonkor mantendu dira (%0,0).

    Bestalde, urte arteko datuei dagokienez, prezioen hazkunderik handienak izan dira energia elektrikoa, gasa, lurruna eta aire girotuan (%22,5), erauzketa industrietan (%3,0) eta material eta ekipo elektrikoan (%2,5); alderantzizko norabidean, prezioetan jaitsierarik handienak izan dituzte kokeriak eta petrolioa fintzeak (-%7,1), ehungintza, larrugintza eta zapatagintzak (-%3,8) eta metalurgia eta
    produktu metalikoek (-%2,2).

    Azkenik, ondasun talde handien prezioen urte arteko aldakuntza positiboa izan da energiarentzat (%7,7), ekipo ondasunentzat (%1,3) eta kontsumo ondasunentzat (%0,1); bitarteko ondasunak, aldiz, %0,8 jaitsi dira.

    Contador

    Lo más leído en Euskera