20 de octubre de 2019
  • Sábado, 19 de Octubre
  • 22 de Uztaila de 2019

    Merkalan enplegu eta formakuntza azokaren lehen edizioa urrian ospatuko da, Donostian

    Merkalan enplegu eta formakuntza azokaren lehen edizioa urrian ospatuko da, Donostian
    PIXABAY - ARCHIVO

    DONOSTIA, 22 (EUROPA PRESS)

    Lanbide enpleguko euskal zerbitzuak Merkalan enplegu eta formakuntza azokaren lehen edizioa antolatuko du Donostia, urriaren 21ean eta 22an. Azoka profesionalen poltsa areagotu nahi duten enpresei eta merkatuak eskaintzen dizkieten lan aukerak ezagutu nahi dituzten pertsonei zuzenduta dago egitasmoa, antolakuntzako iturriek jakinarazi dutenez.

    Azoka Donostiako Kursaalean ospatuko da, 1.100 metro koadroko azalera izango du eta beheko solairua hartuko du. Azoka zabalik egon da, etenik gabe, 09:00etatik 17:00etara. Azokaren diseinuan zerbitzuaren erabiltzaileen eta enpresen errekerimenduak izan dituzte aintzat, horiek baitira Lanbideren solaskide nagusiak. Horrela, azoka bisitatzen dutenek Euskal Enplegu Zerbitzuaren sareko 43 bulegoren batera joko balute bezala zeharkatu ahalko dute, alegia, enplegurako ibilbide osoa egin ahalko dute.

    Lanbidek lehen aldiz antolatu du horrelako ekitaldi bat, enpresen, enplegu eskatzaileen eta sektoreko erakundeen arteko harremanari bide emateko helburuarekin, eta bere jarduera katalogoa, laguntza programak eta enpleguarekin eta prestakuntza okupazionalarekin zerikusia duten zerbitzuak zabaltzeko.

    Borja Belandia Lanbideko zuzendari nagusia ziurtatu duenez, enpresa eta pertsonen arteko hurbilketarako aukera emateaz gainera, Merkalanek "bide emango du kontrataziorako eta aukera bat izango da enpresek beren lankidetza sareak sortu ahal izateko".

    Horren harira, Belandiak honako hau gehitu du: "Merkalan arlo tematikoetan banatuko da, eta horiek bat etorriko dira Lanbidek lan aktibazioaren eremuan ematen dituen zerbitzuekin, esaterako: eskaria, orientazioa, prestakuntza edo ekintzailetza".

    ENPRESENTZAKO ARLOA

    Aurreko zerbitzuekin batera, Merkalanek enpresei zuzendutako arlo berezia izango du, haiek lanpostuak eskaini eta hautagaiei elkarrizketak egin ahal izateko. Zenbatespenen arabera, 700 lanpostu baino gehiago eskainiko dira, hainbat lanbide profilen inguruan.

    Era berean, stand bat jartzea aurreikusi da; bertan, Lanbidek enpresei eta arduradunei ematen dizkien zerbitzuei buruzko informazio berezia emango da. Halaber, informazio zehatza nahi duten pertsona guztientzako edo, haien beharren arabera, arlo batera edo bestera bideratzeko informazio teknikorako gunea egongo da.

    Azkenik, Merkalanek erabilera anitzeko espazioa izango du hitzaldietarako, enpresa proiektuen erakusketetarako, esperientzien aurkezpenerako, ekintzailetzako tailerretarako, orientazio lantegietarako eta beste hainbatetarako.