SANTIAGO DE COMPOSTELA, 12 Jun. (EUROPA PRESS) -
O 51,8% das empresas galegas que operan nunha zona onde hai competencia de redes optan por R, o operador galego de comunicacións por fibra óptica, para contratar os seus servizos de telefonía e Internet.
Así se reflicte no último estudo realizado por TNS Media&Technology sobre o mercado das telecomunicacións no ámbito empresarial galego. Ademais, e sempre que sexa en áreas de cobertura da rede de cable, as empresas tamén escollen a R como primeiro provedor do servizo de correo electrónico co 32,4% do mercado.
Por outra parte, onde hai cobertura de R a penetración de acceso a internet das empresas é do 71,5%, máis de sete puntos por enriba da rexistrada nas zonas onde o operador non está presente (64%). Ademais, o 68% das sinaturas clientes de R contratan internet de alta velocidade.