17 de octubre de 2019
  • Miércoles, 16 de Octubre
  • 7 de abril de 2008

    O proxecto Sfera reunirá en Santiago expertos en TIC para analizar as tecnoloxías sen fíos

    SANTIAGO DE COMPOSTELA, 7 Abr. (EUROPA PRESS) -

    O proxecto europeo Sfera celebrará mañá en Santiago de Compostela unha xornada sobre as capacidades tecnolóxicas no campo das comunicacións inarámicas e por satélite, que terá lugar entre as 9.30 e as 17.30 horas no Hotel Porta do Camiño da capital galega.

    A organización deste evento corre a cargo da Plataforma Tecnolóxica TIC e do Centro Tecnolóxico de Telecomunicacións, e conta co apoio da Dirección Xeral de I+D+i e da Fundación para o fomento da calidade industrial e o desenvolvemento tecnolóxico de Galicia.

    O peche da xornada correrá a cargo de Wenceslao Sánchez de la Peña, coordinador do proxecto, e a presentación realizarana o director xeral de I+D+i, Salustiano Mato; a directora xeral de Promoción Industrial e Sociedade da Información, Helena Veiguela; e o director xeral de Comunicación Audiovisual, Manuel Fernández.