Innovación destinará o próximo ano a este parque tecnolóxico un total de 1,5 millóns
SANTIAGO DE COMPOSTELA, 5 Dic. (EUROPA PRESS) -
A Tecnópole, situada en Ourense, pechará o exercicio 2007 superando "amplamente" a barrea das 80 empresas instaladas no seu recinto, segundo informou a Consellería de Innovación, despois de que se aprobasen hoxe nove incorporacións, ás que se sumarán proximamente outras cinco procedentes do proxecto de promoción de iniciativas emprendedoras de base tecnolóxica que vai iniciar o Parque Tecnolóxico.
Así mesmo, o máximo órgano de decisión do Parque Tecnolóxico deu luz verde tamén aos presupostos para o próximo ano, cunha inversión de 1,5 millóns de euros por parte da Consellería de Innovación, e tamén esta previsto que a posta en funcionamento do Centro de Experimentación en Enerxías Renovables signifique un aumento dos ingresos pola venda da enerxía xerada nel.
O departamento que dirixe Fernando Blanco destacou que estes dous factores permitirán manter a redución da subvención pública aplicada hai un ano, ao tempo que se mellora o ratio de financiamento --subvención versus ingresos por servizos-- que pasa dun 38 por cento no 2007 a un 48 por cento no 2008.
NOVOS PROXECTOS.
Por outra parte o consello de Administración de la Tecnópole analizou e aprobou ademais uns novos proxectos que levarán a cabo no próximo exercicio. Unha das iniciativas é o deseño e posta en marcha da futura Rede Galega de Parques Tecnolóxicos e Científicos.
Para facilitar o traballo das empresas do recinto da Tecnópole, está previsto construír naves próximas a elas para os seus provedores, que terán incorporados paneis solares no teito que permitirá financiar a súa construción cos ingresos pola venda de enerxía que produzan, e, ademais, se poderán en marcha dous proxectos piloto de implantación das TIC e de factura electrónica e novas iniciativas relacionadas coa formación.
Por último, os membros do consello de Administración foron informados do estado das obras do Centro de Investigación Tecnolóxica e Investigación (CITI) da Universidade de Vigo e dos edificios das empresas T-Soar Global, Kinética e Arias Electricidade e Bobinados, que están a avanzar nos "prazos previstos", segundo informou a consellería.
