SANTIAGO DE COMPOSTELA, 1 Jul. (EUROPA PRESS) -
A Consellería de Innovación creou o catálogo de grupos de investigación do sistema público de I+D+i de Galicia. Mediante unha inscrición gratuíta, poden entrar nesta publicación os grupos pertencentes ás universidades, os organismos e centros de investigación radicados nesta comunidade.
O obxectivo é facilitar a identificación dos grupos e as súas liñas de investigación e haberá nove áreas de clasificación: agroindustrial e alimentación; ciencias da vida; ciencias e tecnoloxías da saúde; recursos naturais, enerxía e medio; ciencias sociais, económicas e xurídicas; humanidades e creación artística; física, química e matemáticas; tecnoloxías da produción e da construción; e tecnoloxías da información e comunicación.
Ademais, o catálogo enmárcase no fin de Plan Galego de I+D+i de estruturar e consolidar as unidades de investigación do sistema público e incluiranse de oficio os grupos que teñan concedidas subvencións e os que as obteñan nas sucesivas convocatorias.
