SANTIAGO DE COMPOSTELA, 23 Sep. (EUROPA PRESS) -
A secretaria xeral do Sindicato Labrego Galego (SLG), Lidia Senra, viaxará o luns a EE UU, invitada pola organización Food and Water Watch, co obxectivo de coñecer de preto o sector da produción láctea norteamericano.
A visita oficial iniciarase en Seattle (Washington), onde visitará varias explotacións lácteas do noroeste do país. Os días 26 e 27 desprazarase a Oregon e Michigan para coñecer macroexplotacións e granxas familiares.
Con esta viaxe, o SLG continúa cunha serie de contactos iniciados en 2004 coa visita dunha comitiva de gandeiros de Wisconsin a Galicia para coñecer as explotacións da comunidade.
