SANTIAGO DE COMPOSTELA, 7 Jul. (EUROPA PRESS) -
As músicas do mundo, a palabra nas súas máis expresións, os relatos de humor e a interactividade cos oíntes serán os eixes dos novos espazos que a Radio Galega incluirá na súa grella nos meses de xullo, agosto e ata o 18 de setembro.
Un dos cambios máis substanciais para a semana, segundo explicou a canle autonómica nun comunicado, será "o regreso dun dos clásicos" dos veráns da Radio Galega, Moncho Lemos, que ocupará o tempo de a 'Crónica' de Tino Santiago cos seus 'Fondos reservados', un espazo musical onde recupera clásicos da música popular europea e americana.
A segunda hora estará dedicada á 'Canción do verán', relacionando cancións famosas doutros anos coas propostas que agora mesmo están agromando, na Radio galega, na lista do 'A polo ghit!'. Este concurso, que xa vai preto das 30.000 descargas en Internet, que puxo en marcha a Radio Galega xunto o xornal electrónico Vieiros, percorrerá a grella de verán da emisora autonómica.
'A polo ghit!' é unha iniciativa para darlle unha oportunidade ao idioma galego "e que compita en igualdade de condicións co castelán en materia de popularidade musical e de diversión". Ata o 9 de setembro a Radio Galega buscará, incentivará e proclamará a canción do verán galega.
As madrugadas estarán conducidas pola actriz galega Gloria Ferreiro, coñecida polos espectadores galegos polo seu papel de dona Hermitas. 'A boas horas' é o nome do espazo que presenta de luns a venres e os domingos tamén desde as 3 da madrugada ata as 7. Catro horas de programa onde se abordarán temas de toda índole e sobre todo veraniegos. Será un espazo interactivo para os oíntes, "de idades de 0 a 100 anos", onde poden chamar e contar todo canto lles apeteza e queiran compartir co resto dos oíntes.
FIN DE SEMANA
Na fin de semana é onde hai máis espazos novos como 'Un sitio á sombra' para o serán dos sábados e domingos, entre as 18.00 e as 21.00 horas. Un magazine conducido por Isabel Pichel centrado na actualidade e "na procura de todo tipo de actividades culturais e de evasión, nun marco de conversa pousada".
Entre as 23.00 e 00.00 horas dos sábados e domingos, a Radio Galega recupera a Ramón Puente, "unha voz que durante moitos anos foi a imaxe sonora da emisora autonómica", para conducir 'Ida e volta', un programa dedicado a ollar as diferentes músicas do mundo. Os sons balcánicos, ritmos latinos, sons de África ou o jazz contemporáneo "terán un oco este verán na emisora autonómica". Completará a grella do sábado o programa 'Un mundo de palabras', e xa o domingo 'Tres peixes voando' e 'Tres the copas'.
