SANTIAGO DE COMPOSTELA, 26 May. (EUROPA PRESS) -
O Centro de Estudos Turísticos (Cetur) da USC organiza para os días 5 e 7 do vindeiro mes de xuño un novo seminario adicado nesta ocasión ás Tecnoloxías da Información e a Comunicación ao turismo.
O encontro celebrarase entre os días 5 e 7 de xuño no Gran Hotel de Santiago e as inscricións poderán formalizarse xusto ata o día inaugural da xornada.
O novo paradigma das TIC en turismo, a cooperación público-privada en liña, as TIC na formación universitaria de Turismo, os GDS, EmoLab: Laboratorio de Emocións, e a evolución tecnolóxica na pequena hotelaría serán as cuestións que se abordarán neste seminario que contará coa participación de expertos de toda España.
Así, intervirán o profesor da Universidade Oberta de Catalunya, Oriol Miralbell; a técnico de Segitur, Patricia Miralles; o vicerreitor de Desenvolvemento Tecnolóxico e Xestión do Coñecemento da Universidade de Girona, Joaquín Majó; o senior adviser EMEA & Latam de Amadeus, Felipe González; a responsable de TIC en Turismo de Cataluña, Cristina Bustillo; e o director de e-Business de RUSTICAE, Guillermo Gil.
