SANTIAGO DE COMPOSTELA, 15 Abr. (EUROPA PRESS) -
A Asociación Cultural de Meiro, en Bueu (Pontevedra), comezará o vindeiro venres 21 un novo ciclo de recuperación do millo corvo --un tipo de gran de cor negra-- coa súa sementeira, na que participarán escolares de toda a comarca pontevedresa de O Morrazo.
Segundo informou hoxe esta agrupación, trátase da primeira das accións que se desenvolverán ata completar o proceso de rexeneración, que terá a súa culminación co IX Encontro Degustación do Millo Corvo que se celebrará o videiro ano, e no que se poderá probar o pan elaborado con este cereal.
Ademais, a Asociación Cultural explicou que se desprazará ata Meiro a "única" parella de bois de O Morrazo, que habita en Beluso, para realizar esta actividade á maneira tradicional, tal e como se fixo nos anos anteriores. Ademais, a organización deste evento convidou a tódolas persoas interesadas a participar desta acción.
