SANTIAGO DE COMPOSTELA, 9 Ene. (EUROPA PRESS) -
A Federación de Libreiros de Galicia informou hoxe de que a convocatoria para presentar os traballos ao 'XV Premio da Irmandade do Libro' está aberta para todas aquelas persoas, centros ou institucións que desexen participar neste concurso.
Así, as propostas poderán presentarse nas diferentes modalidades que están abertas do concurso, entre as que se recollen os centros de ensino, os medios de comunicación e novas tecnoloxías, institucións públicas e privadas, autor, mellor libro do ano 2005 e libreiro.
Os traballos para participar neste premio deberán presentarse na Federación de Libreiros antes do día 28 de febreiro, e a solicitude das bases poderá facerse tanto persoalmente, coma por correo electrónico, fax, correo ordinario ou teléfono.
