Louzán denuncia a Quintana por organizar festas que "el antes criticaba" durante os gobernos de Fraga
PONTEVEDRA 23, (EUROPA PRESS)
O secretario xeral do PP de Galicia, Alfonso Rueda, criticou hoxe as celebración previstas para mañá polo PSdeG en Caldas de Reis (Pontevedra) por "inoportunidade clara e manifesta" xa que recordou que este municipio está "sen auga potable" debido á vertedura contaminante causado pola empresa química Brenntag no río Umia.
Rueda, que compareceu conxuntamente co presidente provincial do PP en Pontevedra, Rafael Louzán, reclamou que "se aclaren as irregularidades urbanísticas", presuntamente, cometidas polo goberno local socialista en Caldas. Ademais, pediron á Xunta que "dea solución ás verteduras contaminantes". Así, apuntou que a presenza do secretario de organización do PSOE, José Blanco, servirá para facer "anuncios triunfalistas" que, segundo dixo, serán "fracasos".
CRÍTICAS A QUINTANA
Por outra banda, Rafael Louzán acusou o vicepresidente da Xunta, Anxo Quintana, de "incoherencia", argumentando que "o que antes criticaba, é o que está a ofrecer", en alusión á festa de maiores que a Vicepresidencia organiza esta fin de semana en Pontevedra. "Este señor criticara o señor Fraga por diversas xuntanzas e criticábase que o PP quería manter un voto cativo coas persoas maiores", recordou.
Non obstante, Louzán considerou que a celebración organizada por Vicepresidencia "non é unha reprodución" das que organizaba o goberno do PPdeG, porque "con Fraga non hai cor". "Quen che viu e quen che vai", ironizó sobre Quintana.
