SANTIAGO DE COMPOSTELA, 13 Feb. (EUROPA PRESS) -
O Servizo Galego de Saúde (Sergas) proporá o vindeiro mércores 15 ao Padroado da Fundación Hospital Virxe da Xunqueira de Cee o nomeamento de Francisco José Pazos Soto como novo xerente, que exercía ata a actualidade como médico no servizo de Atención Primaria de Ordes (A Coruña).
Francisco José Pazos Soto naceu en Santiago de Compostela no ano 1949, e exerceu como director provincial de Institucións Sanitarias Abertas de Lugo, como xefe de servizo do Servizo de Atención Primaria de Bueu, e como médico do Instituto Social da Mariña. Pazos Soto era médico do Sergas con praza en propiedade por oposición dende 1987.
Licenciado en Medicina e Cirurxía pola Facultade de Medicina de Santiago de Compostela no ano 1982, o novo xerente é doutor en Medicina pola Universidade de Santiago, e especialista en Medicina vía MIR.
Asemade, Pazos Soto ampliou a súa formación con, entre outros moitos, cursos de Xestión e Dirección Sanitaria; de Actualización en Xestión Sanitaria; de Urxencias en Medicina; de Medicina Escolar; de Diagnóstico e Tratamento de Enfermidades Cardiovasculares; ou de Habilidades na relación médico-paciente.