SANTIAGO DE COMPOSTELA, 10 Abr. (EUROPA PRESS) -
O Servizo de Autoemprego da Universidade da Coruña (UDC), en colaboración co Bic Galicia, organiza un Seminario de Planificación Empresarial que comeza mañá na Facultade de Socioloxía e que ten coma obxectivo facilitar aos emprendedores a metodoloxía e as ferramentas necesarias para o desenvolvemento dun plano de empresa.
A iniciativa está estruturada en sete sesións de formación e dúas de titoría personalizada para cada proxecto. As datas de celebración do seminario, que terá lugar no Laboratorio de Linguas de Socioloxía, son do 18 ao 21, o 26 e o 27 de abril; do 3 ao 5 de maio e os días 10 e 11 do vindeiro mes.
Neste tempo, os participantes accederá aos conceptos básicos para realizar un plano de negocio, deseñar o proxecto de empresa e estudar a viabilidade deste. As sesións son de carácter práctico e impartidas por profesionais do mundo da empresa e da formación.
