SANTIAGO DE COMPOSTELA, 18 Mar. (EUROPA PRESS) -
Unha conferencia sobre as relacións entre a literatura galega e a portuguesa, organizada pola Secretaría Xeral de Política Lingüística, clausurou hoxe en Lisboa a Expolingua 2006, un encontro adicado a abordar cuestións relativas ás distintas linguas e culturas de todo o mundo.
Segundo un comunicado, o relator da conferencia foi o director do Instituto Cervantes de Lisboa, Ramiro Fonte, quen centrou a súa intervención nas conexións entre escritores galegos e portugueses dende o século XIX. Así, Fonte explicou que entre o acervo do famoso poeta Fernando Pessoa atopábase un exemplar de 'Follas Novas', o segundo poemario de Rosalía de Castro.
Ademais, o citado departamento informou de que durante os tres días que durou a mostra o seu mostrador recibiu "centos de visitantes", interesados en coñecer distintos aspectos da lingua e da cultura galega.
Deste xeito, a situación social do galego, as posibilidades de estudo do idioma en Portugal, ou a situación da lingua no ensino foron algunhas das consultas "máis frecuentes" feitas polos visitantes no posto de Política Lingüística. Así, a Xunta calificou coma "alto" o nivel de interese espertado entre os asistentes polo seu mostrador.
Así mesmo, ó expositor da Secretaría Xeral acudiron representantes de distintas institucións relacionadas coas linguas da península, coa intención de compartir "novas experiencias" e materiais de traballo á hora de preserver e difundir o patromonio lingüístico.
