UVIÉU, 2 Jul. (EUROPA PRESS) -
El vicepresidente del Gobiernu asturianu y conseyeru d'Alministración Autonómica, Mediu Ambiente y Cambiu Climáticu, Juan Cofiño, señaló esti xueves que'l Principáu espera que'l Ministeriu de Salú tome midíes pa llindar el consumu de tabacu en terraces, a la lluz del informe de la comisión de Salú Pública del Sistema Nacional de Salú (SNS), qu'acaba d'avisar de que los pitos puen actuar como tresmisores del coronavirus y encamienta nun fumar n'ambientes sociales.
Na rueda de prensa posterior al Conseyu de Gobiernu, Cofiño indicó que prohibir el so consumu n'espacios públicos ye una materia "reservada al Estáu", polo qu'entiende que ye Sanidá'l departamentu competente p'acutar los usos y consumos. "A ellos apelamos", dixo.
"Queremos pensar", dixo, que'l Ministeriu "va tomar les midíes que correspuendan" en base a esti estudiu y los sos avales científicos".
