UVIÉU, 21 May. (EUROPA PRESS) -
El candidatu del PSOE a la Presidencia del Principáu, Adrián Barbón, comprometióse esti martes a concentrar nuna conseyería toles competencies relatives a investigación y ciencia.
Barbón atendió a los medios de comunicación en visitando'l Centru Européu d'Empreses y Innovación (CEEI), nel Parque Tecnolóxicu d'Asturies, nel conceyu de Llanera.
"Apostamos poles empreses de base tecnolóxica", comentó'l candidatu socialista. Nel so programa electoral plantea l'apueste por un modelu nuevu de gobernanza p'apoyar la investigación y la innovación que va liderar la Conseyería de Ciencia.
Tamién se comprometen los socialistes a aprobar una llei asturiana de Ciencia, Tecnoloxía y Innovación, amás de medrar la inversión del Principáu n'investigación, desarrollu y innovación (I+D+i) la financiación correcta de les actuaciones propuestes p'algamar el 2% del PIB.
