UVIÉU, 16 Nov. (EUROPA PRESS) -
El Boletín Oficial del Principáu d'Asturies (BOPA) d'esti vienres 16 de payares publicó la Ordenanza Municipal pal Usu de la Llingua Asturiana nel Conceyu de Grau, que foi aprobada pol plenu local na sesión celebrada'l 31 d'ochobre.
Asina va procedese a l'apertura d'un períodu d'información pública y audiencia a los interesaos a lo llargo de trenta díes pa que puedan presentase reclamaciones y suxerencies. En casu de que nun se presente nenguna, va entendese definitivamente adoptáu l'alcuerdu hasta entós provisional.
Nestos momentos, conceyos como L.lena, Grau, Mieres, Xixón, Bimenes, Llaviana o Cangas disponen d'una ordenanza aprobada nel so plenu que desarrolla l'artículu ocho de la Llei d'Usu y Promoción del Asturianu, qu'establez que los conceyos asturianos van poder adoptar les midíes afayadices "p'asegurar la efectividá del exerciciu de los derechos llingüísticos qu'esta Llei otorga a los ciudadanos residentes n'Asturies".
Per otru llau, Avilés tien paralizaes la ellaboración d'unes ordenances énte l'informe técnicu de los servicios xurídicos municipales que diz qu'al nun recoyer l'Estatutu d'Autonomía la oficialidá del asturianu, el Plenu municipal nun pue regular l'usu y la promoción d'esta llingua.
