UVIÉU, 17 Oct. (EUROPA PRESS) -
Un cientu de persones preinscribiéronse como candidatos nes primaries autonómiques de Podemos Asturies. D'esti procesu va salir la composición de la llista electoral pa les elecciones autonómiques de 2019 y la persona que nesos comicios va optar a la Presidencia del Gobiernu asturianu por Podemos Asturies.
Según informa Podemos en nota de prensa, dende la dirección del partíu "hai enfotu en llograr una candidatura de consensu que reflexe la pluralidá de sensibilidaes y perfiles representaos na organización".
Los nomes de los candidatos van dase a conocer esti xueves, al traviés del portal web estatal de Podemos, y a partir d'entós va haber un plazu de trés selmanes pa configurar la llista definitiva. Dende esti vienres hasta'l martes de la selmana próxima va tar abiertu'l plazu pa subsanaciones.
La publicación de les candidatures definitives va ser el 12 de payares, la campaña electoral y los debates presenciales van ser del 13 al 19 de payares y les votaciones van facese ente'l 20 y el 25 d'ese mesmu mes. Les resultaos van ser proclamaos el 27 de payares.
