UVIÉU, 11 Nov. (EUROPA PRESS) -
La Sección Tercera de l'Audiencia Provincial d'Asturies condenó a Félix Vidal Añero, conocíu como'l 'violador del estilete', a la pena de 13 años de prisión por agresión sexual y robu a una muyer con discapacidá. La sentencia pue ser recurrida n'apelación énte la Sala Civil y Penal del Tribunal Superior de Xusticia d'Asturies.
El tribunal tamién condena a un añu de prisión a la tamién acusada María Angélica Pardo Fernández por robar a la víctima depués d'amenazala de muerte.
El condenáu tien la prohibición d'averase a la víctima, a la so casa o a otros llugares frecuentaos por ella nun radiu de 300 metros y de comunicase con ella per cualesquier mediu a lo llargo de catorce años, y midida de seguridá de llibertá xixilada por siete años que se va executar depués del cumplimientu de la pena privativa de llibertá. En conceptu de responsabilidá civil tien qu'indemnizar a la muyer la cantidá de 3.000 euros por dañu moral.
