XIXÓN, 19 Sep. (EUROPA PRESS) -
Iniciativa pol Asturianu llamentó la falta de la presencia del topónimu oficial 'Xixón' y la "nula presencia" del asturianu nes actividaes de la Selmana de la Movilidá organizada pol conceyu.
Según señaló esti xueves al traviés de nota de prensa'l presidente de l'asociación, Iván Llera, na exposición de vehículos d'empreses municipales na Plaza Mayor nun aparez la toponimia oficial y tampoco l'asturianu ta presente na cartelería, polo que soliciten se siga rotulando en billingüe "como se venía faciendo hasta agora"
"L'usu del asturianu con normalidá nun implica un coste mayor, nin xenera gastu estra, amás cola utilización de la toponimia en castellanu el Conceyu de Xixón ta incumpliendo la Llei d'Usu", indicó Llera, que reclamó que l'asturianu tea presente en toles estayes municipales "y non namás como una competencia de la Conceyalía de Cultura".
