UVIÉU, 11 Nov. (EUROPA PRESS) -
La númberu dos del PSOE, l'asturiana Adriana Lastra, señaló esti llunes que l'oxetivu del so partíu ye que nunes selmanes haya un Gobiernu "sólidu y estable" lideráu por Pedro Sánchez p'asina "encontar les midíes de desarrollu económicu y xusticia social".
En declaraciones a Europa Press, la diputada asturiana y portavoz parllamentaria del PSOE destacó de los resultaos d'esti 10 de payares muestren que'l so partíu impúnxose nestes elecciones "de forma clara" al consiguir 30 escaños de diferencia sobre'l segundu partíu.
"El resultáu de les urnes dexa claro que los socialistes representen la única opción posible pa conformar un gobiernu y encarar les reformes que'l país, y tamién Asturies, tienen per delantre", indicó. Amás, destacó que la victoria foi "atayante" n'Asturies, "onde ameyora'l porcentaxe de votu y caltiénense los trés diputaos y los trés senadores".
Por eso señaló que l'oxetivu del PSOE ye "que nunes selmanes haya un gobiernu sólidu y estable lideráu por Pedro Sánchez qu'encontie les midíes de desarrollu económicu y xusticia social impulsaes nestos primeres quince meses de xestión".
